One Day in the Life of Noah Piugattuk

ᓄᐊ ᐱᐅᒑᑦᑐᑉ ᐅᓪᓗᕆᓚᐅᖅᑕᖓ ᑕᑯᒃᓴᐅᑎᑕᐅᔪᑦ ᐃᓅᓯᕆᓚᐅᕐᑕᖓᓂᑦ ᐊᕋᒍᓄᑦ 96 ᓄᑦ ᓇᐃᓈᕐᓯᒪᓪᓗᓂ ᑕᑯᒃᓴᐅᔪᑦ ᑕᕆᔭᐅᓯᐊᖑᓪᓗᓂ ᐅᓪᓗᖅ ᐊᓴᐅᓯᖅ ᑕᑯᓪᓗᒍ, ᖃᐅᒪᐃᓐᓇᖃᑦᑕᓕᕐᑎᓪᓗᒍ ᓯᕿᓂᕐ ᓂᐱᑦᑕᕈᓐᓃᕐᑎᓪᓗᒍ, ᓇᑦᑎᕋᓱᒃᖢᓂ ᓯᑯᒥ ᒪᐃ 1961, ᐃᒡᓗᓕᐅᑉ ᖃᓂᒋᔭᖓᓂ ᕿᑭᕐᑖᓘᑉ ᐅᐊᖕᓇᖓᓂ. ᓄᐊ ᐱᐅᒑᑦᑐᒃ ᐃᓅᓚᐅᕐᓯᒪᔪᖅ ᐊᕋᒍᖓᓂ 1900 ᐃᒡᓗᓕᖕᒥᐅᑦ ᐃᓄᖏᑦ ᓄᓇᖃᐅᕐᑎᓪᓗᒋᑦ ᐃᓕᖁᓯᑐᖃᕆᓚᐅᕐᑕᖓᑐᑦ ᐊᕋᒍᒐᓴᒃᔪᐊᓄᑦ 400-ᓄᑦ ᐃᓄᓯᐅᓚᐅᕐᑐᒥᒃ- ᓇᖕᒥᓂᕐᓱᕐᖢᑎᒃ- ᐃᓅᓇᓱᐊᕐᖢᑎᒃ ᐊᒻᒪᓗ ᐊᓐᓇᐅᒪᓪᓗᑎᒃ, ᓲᕐᓗ ᐃᓄᒃᑕᑐᓪᓗᑎᒃ ᓄᓇᕐᔪᐊᒥ. ᐃᓄᐃᑦ ᓂᕆᔭᓕᒫᖏᑦ ᐊᑐᕐᑕᖏᓪᓗ, ᐃᒡᓗᒋᔭᖏᑦ, ᐃᕘᔾᔪᑎᖏᓪᓗ ᓱᓇᒃᑯᑖᖏᑦ ᐊᓄᕋᕆᔭᐅᓪᓗᑎᒃ, ᐃᒃᓗᒋᔭᐅᓪᓗᑎᒃ, ᐊᓇᓱᒍᑕᐅᓪᓗᑎᒃ ᐊᓐᓇᐅᒪᔾᔪᑕᐅᓪᓗᑎᒃᓗ, ᓄᓇᒦᒐᕐᑐᑦ ᐊᒻᒪᓗ ᓂᕐᔪᑎᓂᖔᕐᑐᑦ ᐊᕙᑎᖓᓃᑦᑐᓂᑦ. ᓂᕿᒃᓴᕐᓯᐅᓂᐅᔪᓂ ᖁᓪᓕᕐᐸᖑᓪᓗᑎᒃ, ᐊᒃᓱᕈᕐᓇᕐᑐᒥ, ᑲᔾᔮᕐᓇᕐᑐᒥ, ᐃᓄᐃᑦ ᐊᖑᓇᓱᒃᑎᓪᓚᕆᐅᓚᐅᕐᑐᑦ ᑕᐃᒍᓯᖃᕐᓇᑎᒃ 'ᑐᖁᕋᐅᑎᔪᓂᒃ ᐅᓇᕐᑕᕐᑐᓂᒃ', ᑕᐃᒍᓯᕐᑕᖃᕐᓇᓂ ᐃᓄᑐᐃᓐᓇᐃᑦ ᐊᓯᖏᓐᓂᒃ ᐊᖑᓇᓱᒃᓂᕐᒥᒃ. ᐱᐅᒑᑦᑐᒃ ᑐᖁᓚᐅᕐᑐᖅ ᐊᕋᒍᖃᕐᖢᓂ 96 ᐊᕋᒍᖓᓂ 1996. ᐃᓅᑎᓪᓗᒍ ᓱᓕ ᐃᓄᐃᑦ ᐊᑎᓕᐅᕐᑐᑦ ᖃᐅᔨᓚᐅᕐᑕᖏᑦ ᓄᓇᕘᑦ ᐊᖏᕈᑎᒥᒃ 1994-ᒥ, ᐃᓄᐃᑦ ᑕᐅᕐᓰᔾᔪᑎᖃᕐᖢᑎᒃ ᓄᓇᖃᕐᖄᕐᓯᒪᔪᓂᕐᒧᑦ ᑕᐃᔭᐅᖃᑦᑕᕐᓂᕐᒥᒃ 83-ᐳᓴᖓᓂ ᐊᒻᒪᓗ ᐅᔭᕋᒃᑕᕐᕕᐅᔪᓐᓇᕐᑐᑦ 98−ᐳᓴᖓᓂᒃ, ᐱᖔᕐᖢᑎᒃ ᑮᓇᐅᔭᓂᒃ ᐊᖏᓛᖑᓚᐅᕐᑐᖅ ᓄᓇᖃᕐᖄᕐᓯᒪᔪᓄᑦ ᑮᓇᐅᔭᕐᑖᖑᔪᖅ ᑕᐃᒪᖓᑦ ᑲᓇᑕᐅᓕᕐᑎᓪᓗᒍ ᐊᒻᒪᓗ ᓴᕿᑦᑎᔾᔪᑕᐅᓪᓗᓂ 'ᓇᖕᒥᓂᕐᓱᕐᓗᓂ' ᒐᕙᒪᐅᓗᓂ ᓄᓇᕘᑦ ᐊᐃᕆᓖᑦ 1999. ᐊᕋᒍ ᐊᕙᑎᑦ ᐊᓂᒍᕐᑐᓂ, ᐱᒋᐊᕈᓐᓇᕐᓯᑎᑕᐅᕚᓪᓕᕐᖢᑎᒃ ᓯᓚ ᐅᖁᓯᕙᓪᓕᐊᓂᖓᓄᑦ, ᐃᓄᐃᑦ ᓯᕗᓕᕐᑎᐅᔪᑦ ᓄᓇᕘᒥ ᐊᒻᒪᓗ ᒐᕙᒪᒃᑯᑦ ᓄᓇᕗᑦ ᓄᓇᕐᔪᐊᕐᒥᐅᑦ ᐅᔭᕋᒃᓯᐅᕐᑎᑦ ᓴᕿᑉᐸᓪᓕᐊᓕᓚᐅᕐᑐᑦ ᐃᒃᐱᖕᓇᐅᑎᓪᓗᑎᒃᓗ ᐃᑲᔫᑕᐅᓪᓗᑎᒃᓗ ᓄᓇᕘᖑᓵᕐᑐᒧᑦ.